Notice:If you no get humour, abeg, no bother to do the exam, plus if u know say na your own man be super man and all sorts, abeg, I take God beg u, no even bother to read.
Na this document na im una suppose read well well before una begin follow man for Naija. These rules wey dey here so, na serious experiment dem do oh plus you fit use am for any man, e no matter if im be Ijaw, urhobo, ibo, muslim , Christian, even self, if im fit follow mammy water, na this same rule una must to follow.
1. Make una no swallow anything anyhow oh!: Una know as men dem fit lie anyhow, ehen. For example, your bobo talk say im wan buy biscuit. Na which one you go choose?
a)E no dey go buy biscuit
b)E fit come back with anything self
c)Even self, if im want,e no go buy anything
d)The man fit waka from there, dey go e own
e)Na all of the above
2. No be only you be the woman for im life: Our Naija men! Chei! Dem too like woman. Black oh, yellow oh, thin oh, fat oh, anyone, dem no dey take eye dey see woman. For example, your bobo come introduce you give another woman wey im call “co-worker”, for your mind, na who she be?
a) Na im co-worker, na
b) No be im co-worker
c) Na im other woman
d) E fit be anybody
3. Love ke? : Love na one kain word wey our men sabi throw way anyhow. Na so the thing dey comot for their mouth like say na serious matter dem dey talk. For example, as una just krom finish, im come talk one of the following, which one you suppose choose?
a)I love you die.
b)Baby, from now till forever more, na you I go love
c)Honey, my own mission for life, na to love you.
d)Dem never make woman for dis world wey I fit love pass you!
4. Make by mistake you no go show am say you get sense oh: This one na the number one rule self. You know as our men be, dem like to dey think say na dem know book pass, ehen. For example,: your bobo talk say im no know the meaning of “inconsequential”. Im come ask you if you know the meaning self, wetin u suppose do?
a) You go tell am na
b) You go give am dictionary
c) Shuooo, you go talk say you no know na
d) You go ask am why im wan know
e) None of the above
Those of una wey do the test, leave ya answers for the comment section, I go give una, una result.